翟偉良以自然寫實嘅方式，數十年嚟記錄香港嘅生活原貌。無論係城市日常、草根社群、建築、動物或自然，佢嘅作品都帶有一種靜謐，源自佢對中國書法、中西古物嘅熱愛。以黑白攝影為主，佢喺公共街道上捕捉每個稍縱即逝嘅瞬間，不加評判或社會評論。呢種開放嘅態度，使被攝者喺日常生活中嘅真實狀態得以誠懇地呈現。佢嘅攝影作品為我哋提供咗一個重要嘅窗口，回望香港轉變時期嘅生活經驗，同時間，我哋體會到攝影師喺形式上追求嘅簡約之美，奇妙地表達出歷史上那一刻人間嘅溫暖。